Oor ons · Vier rigtings. Een familie.
Saam gewortel.
Saam aan die groei.
Ons waardes kry hande en voete in vier bedieningsrigtings. Ontdek waar jy kan aanbid, groei, vriendskap vind en ’n verskil maak.
Wortel in Christus · Leef Mekaar Raak · Maak Plek
Een boom.
Baie plek om te groei.
Psalm 1 se boom by waterstrome herinner ons aan ’n lewe wat in God se Woord gewortel is. Vanuit daardie wortels groei ons na Bo, na Binne, na Mekaar en na Buite.
Jy hoef nie alles op een slag te doen nie. Begin waar jy nou is en neem die volgende stap saam met ons.
Ontmoet ons predikant
Ds. Nelis Lindeque
Nelis is die huidige predikant van Doornkloof Familiekerk.
Wil jy die gemeente beter leer ken, oor geloof gesels of pastorale ondersteuning vra? Kontak ons gerus om ’n gesprek met ds. Nelis te reël.
Reël ’n gesprek ↗
Erediens en aanbidding
Vind rus in God se teenwoordigheid.
In die erediens kom ons saam om God te aanbid, na sy Woord te luister en opnuut hoop te vind. Of jy lankal deel is of vir die eerste keer kom kuier—jy is welkom.
- Eredienste, prediking en Skriflesing
- Musiek, gebed en die sakramente
- Gasvryheid en verwelkoming van besoekers
Toerusting en pastorale sorg
Groei in geloof. Kry ondersteuning.
Geloof groei wanneer ons vrae kan vra, saam leer en mekaar deur die lewe dra. Hier is ruimte vir kinders, tieners en volwassenes om in Christus te groei en versorg te word.
- Bybelstudie, Credo en groeigroepe
- Kinder- en tienergeloofsvorming
- Pastorale sorg, huisbesoek en ondersteuning in moeilike tye
Leef Mekaar Raak
Leer mense ken. Deel die lewe.
Om te behoort begin dikwels met ’n gesprek, ’n koppie koffie of iemand wat jou raaksien. Ons maak ruimte vir vriendskap en verbondenheid tussen mense van verskillende ouderdomme en lewensfases.
- Ontmoetings vir mans, vroue, jongmense en gesinne
- Saamkuier, kampe en uitstappies
- Gesprekke en vriendskappe oor generasies heen
Ons leef God se hoop in Centurion
Maak ’n verskil waar jy is.
God se liefde word sigbaar wanneer ons ander dien. Saam reik ons uit na mense in ons buurt en gemeenskap, en gebruik ons ons tyd en gawes om hoop prakties te leef.
- Naastes in Nood, voedingskema en praktiese noodhulp
- Buurtprojekte, skole en gemeenskapsvennote
- Sending, getuienis en diensprojekte
Jou volgende stap